«Barselona» prezidenti Xosep Bartomeu muddatidan avval iste'foga chiqishi mumkin. Chunki, unga nisbatan ishonchsizlik votumi ilgari surildi."Marca" tarqatgan xabarga ko'ra, ushbu tashabbus tashkilotchilari 18 mingta imzo to'plab, payshanba kuni uni klubga etkazishdi. Imzolar soni tasdiqlansa, «Barselona» referendum o'tkazib, Bartomeu o'z lavozimida qolish kerakmi yoki yo'qmi, degan savolga aniqlik kiritib oladi. Agar so'rovda ishtirok etganlarning uchdan ikki qismi prezidentning iste'fosi uchun ovoz berishsa, jamoani uni o'z lavozimidan bo'shatib, yangi saylov o'tkazadi. Avvalroq «Barselona» navbatdagi prezidentlik saylovi 2021 yilning 20–21 mart kunlari o'tkazilishi haqida ma'lumot tarqatgan edi.