«Real» sobiq yarim himoyachisi Luish Figu «Barselona» hujumchisi Lionel Messining «Real»ga o'tish ehtimoli haqidagi savolga javob berdi."Men kabi Messi ham «Barselona»dan «Real»ga o'tishi mumkinmi? Bu yil hech bir klub Messining shartnomasidagi tovon pulini to'lay olmaydi. Hozirda transfer bozorida ko'p narsa sodir bo'lmayapti. Menimcha, istalgan klub uchun Messining shartnomasini sotib olish qiyin, hatto imkonsizdir. O'ylaymanki, biz bundan 20 yil oldin men bilan sodir bo'lgan voqeaga o'xshash narsani ko'rmaymiz", — dedi Luish Figu.Eslatib o'tamiz, Figu 2000 yilda «Barselona»dan «Real»ga o'tgan. Bu futbol tarixidagi eng mojaroli transferlaridan biri sanaladi. Figu «Real» safida 2000–2005 yillarda harakat qilib, shu vaqt mobaynida 239 ta o'yin o'tkazib, 57 marta raqiblar darvozasini ishg'ol qilgan.