Germaniya va Ispaniya terma jamoalari 3 sentyabr, payshanba kuni Millatlar ligasi doirasida to'qnash kelib, 1:1 hisobida durang o'ynashdi. "Qizil furiya" bosh murabbiyi Luis Enrike bahsning 46-daqiqasida maydonga «Barselona» hujumchisi Ansu Fatini tushirdi. 2002 yilning 31 oktyabr kuni Gvineya-Bisauda tug'ilgan futbolchi uchun bu o'yin Ispaniya terma jamoasi safidagi debyut uchrashuv bo'ldi. Iqtidorli futbolchi kecha 17 yoshu 308 kunlik edi.Bu boradan rekord «Atletik» klubi sobiq futbolchisi Anxel Subetega tegishli bo'lib, u undan 84 yil avval — 1936 yilda 17 yoshu 284 kunlik paytida Ispaniya terma jamoasi safida debyut qilgan.