«Barselona» mavsum-2019/20 yakunlari bo'yicha moliyaviy hisobotni e'lon qildi. Koronavirus pandemiyasi tufayli "ko'k-anorranglilar" moliyaviy yilni 97 mln evro zarar bilan yakunlashdi. Ispaniyada ishqibozlarning stadionga kiritilishiga ruxsat berilmagani uchun jamoa yangi mavsumda ham zarar ko'rishda davom etmoqda. Kataloniyaliklarning yakunlangan mavsumdagi daromadi 855 mln evroga teng bo'lgan bo'lsa, jamoa xarajatlari 955 mln evroni tashkil qildi. Mavsum-2018/19 bilan taqqoslaganda klubning daromadi 135 mln evroga kamaygan bo'lsa, xarajatlar 18 mln evroga qisqargan.«Barselona» mavsum-2020/21da 791 mln evro miqdorida daromad olishni rejalashtirgan.