«Barselona» sobiq prezidenti Xosep Bartomeu klubda ishlagan davrda haqorat va tahdidlarga uchragani haqida gapirdi."Men va oilam, shuningdek direktorlar kengashi a'zolari haqorat qilindi, tahdidlarga uchradik. Ommaviy axborot vositalarida ham haqorat qilindi, bu qabul qilish mumkin bo'lgan chegaralardan chiqib ketgandi.Bizning nimalarnidir yashirayotganimiz haqida gapirildi. Bularning barchasi yolg'on. Mening qarshilik ko'rsatish qobiliyatim katta ekanligi aytildi, lekin menda bor narsa — katta tajriba.Men har doim o'zimizga tanqidiy munosabatda bo'lish bizni yanada kuchaytiradi deb hisoblaganman. So'nggi oylarda boshimizdan kechirgan voqealar barcha chegaralarni kesib o'tdi", — dedi Xosep Bartomeu.Eslatib o'tamiz, avvalroq Bartomeu iste'foga chiqqanini e'lon qilgandi. U 2014 yildan beri mazkur lavozimda ishlab kelayotgandi.