«Barselona» bosh murabbiyi Ronald Kuman jamoaning transfer rejalari haqida gapirdi. Mutaxassisning aytishicha, «Barsa» yanvar oyida keraksiz futbolchilar xizmatidan voz kechmoqchi. Shu bilan birgalikda, klub tarkibni kuchaytirish haqida ham o'ylamoqda. «Ba'zi o'yinchilar klubda qiyin holatga tushib qolishgan. Bundan tashqari, biz jamoani kuchaytirishni istaymiz. Keyingi prezident kim bo'lishi aniq bo'lganida esa transfer oynasi yopilib qoladi. Hozirdanoq jiddiy qaror qabul qilishga tayyor bo'lishimiz kerak», — dedi Kuman.Eslatib o'tamiz, avvalroq Xunior Firpo, Riki Puch, Karles Alenya va Samuel Umtiti jamoani tark etishi mumkinligi haqida xabar berib o'tilgan edi.