«PSJ» yarim himoyachisi Anxel Di Mariya Argentina termasidagi jamoadoshi Lionel Messi bilan bir klubda o'ynashni orzu qilishini aytib o'tdi.«U bilan bir jamoada o'ynashni hamisha orzu qilganman. Terma jamoa ixtiyoriga kelganimizda esa birgalikda kam vaqtni o'tkazamiz. U bilan birga o'ynashni, uni har kuni ko'rish — mening orzum. «Barselona»ga o'tish imkoniyati bor edi, ammo bu amalga oshmagan.Nazarimda, yana bitta imkoniyat bor, ammo mening "PSJ"dagi shartnomam yakunlanmoqda. Nima sodir bo'lishini bilmayman, ammo Messi Parijga ko'chib o'tsa, u bilan birga o'ynashdan baxtli bo'lardim. Men Krishtianu Ronaldu, Neymar, Mbappe bilan birga to'p tepdim. Leo bilan birga o'ynasam, faoliyatimni xotirjam yakunlasam bo'ladi», — dedi Di Mariya.