EChLning 1/8 final bosqichi doirasida “Barselona“ o'z maydonida “PSJ“ni qabul qildi va o'z darvozasidan naq to'rtta to'p olib chiqqan holda, mag'lubiyatga uchradi.
Dastlab, birinchi bo'lim avvalida Messi parijliklar darvozasi tomon belgilangan penaltini aniq va bexato amalga oshirib hisobni ochdi. Ushbu goldan biroz muddat o'tar-o'tmas Kilian Mbappe o'z goli bilan muvozanatni tikladi va jamoalar birinchi bo'limni durang bilan yakunlashdi.
Ikkinchi taymda mezbonlar himoya qo'rg'onida yuzaga kelgan tartibsizliklar oqibatida Ter Shtegen qo'riqlayotgan darvoza Mbappe tomonidan yana ikki bor ishg'ol etildi. Shuningdek, bir golga Moyze Kin mualliflik qildi, Yakunda, hisob 1:4. “PSJ“ Parijga ishonchli g'alaba bilan qaytmoqda.
"Barselona" Ispaniya – "PSJ" Frantsiya 1:4 (1:1, 0:3) «Kamp Nou»
Gollar: 1:0 – 27, penalti Messi, 1:1 – 32 Mbappe, 1:2 – 65 Mbappe, 1:3 – 70 Kin, 1:4 – 85 Mbappe.
"Barselona" – ter Shtegen, Dest (Mingesa, 71), Langle, Alba, Pike (Puch, 78), Buskets (Pyanich, 78), de Yong, Pedri (Trinkau, 78), Dembele, Messi, Grizmann (Breytueyt, 85).
"PSJ" – Navas, Kurzava, Kimpembe, Florentsi (Kerer, 89), Markinos, Verratti (Draksler, 73), Paredes, Guye (Errera, 46), Ikardi, Kin (Danilu Pereyra, 85), Mbappe.
Ogohlantirishlar:Guye (20).
16-Fevral 2021,03:30
109