«Barselona»ning yangi rahbariyati klubning moliyaviy holatini baholash uchun ichki audit tekshiruvini o'tkazdi.Tekshiruvlar natijasida «ko'k-anorranglilar»ning moliyaviy holati kutilganidan ancha yomonligi ma'lum bo'ldi, deya xabar qilmoqda Kataloniyaning Esport3 kanali.2020/21 yilgi mavsum yakunidan keyin zarar 350 million evroni tashkil qilishi, «Barselona» esa 2022/23 yilgi mavsumdan erta foydaga kira olmasligini taxmin qilinmoqda.Mazkur taxmin jamoa Lionel Messini ushlab qolib, yana bir top-futbolchi sotib olgan variantdan kelib chiqib tuzilgan.«Barselona» bosh direktori Ferran Roverterning aytishicha, klub futboldagi raqobatbardoshlikni yo'qotmagan holda moliyaviy inqirozdan chiqib keta olish imkoniyatga ega.Avvalroq «Barselona»ning qarzlari milliard evrodan oshib ketgani xabar qilingandi.