Kataloniya Oliy sudi braziliyalik himoyachi Dani Alveshga nisbatan jinsiy zo'ravonlik ayblovlari bo'yicha tergov boshlanganini tasdiqladi. Bu haqda L'Equipe nashri xabar bermoqda.

Ayol Barselonada ta'tilda bo'lgan 39 yoshli Dani Alveshni uning ichki kiyimi ostiga qo'lini qo'yganlikda aybladi. Taxminlarga ko'ra, voqea 30 dekabr kuni sodir bo'lgan. 2 yanvar kuni politsiyaga rasman ariza berildi. Kataloniya sudi futbolchiga nisbatan ish ochgan. Futbolchi va uning atrofidagilar bu ayblovlarni rad etishmoqda.

Dani Alvesh Meksikaning "Pumas" jamoasida o'ynaydi. Avvalroq futbolchi "Barselona"da o'ynagan. U 2021/2022 yilgi mavsumda "ko'k-anorranglilar" safida 15 ta o'yin o'tkazib, bitta gol va 3 ta golli uzatmaga mualliflik qilgan.