"Bavariya" himoyachisi Benjamen Pavar jamoadagi kelajagi haqida gapirdi.

“Men baxtliman va o'yinimdan zavqlanaman. Qolganiga kelsak, yozda ko'ramiz. "Bavariya" rahbarlari bilan muzokaralar bo'ladimi? Bilmayman. E'tiborimni navbatdagi o'yinlarga qaratganman", - deydi futbolchi.

Shuningdek, 26 yoshli futbolchidan “Barselona”ga o'tish haqida so'ralganda, u kulib yuborgani xabar qilingan.

Himoyachi nemis klubida 2019 yildan buyon o'ynab kelmoqda. Joriy mavsumda Pavar “Bavariya” safida barcha turnirlar doirasida 31 ta o'yinda maydonga tushib, 6 ta gol urdi va 1 ta golli uzatmani amalga oshirdi. Uning shartnomasi 2024 yilning yoziga qadar tuzilgan.