AQSh termasi KONKAKAF Millatlar ligasida Trinidad va Tobago terma jamoasi bilan o'ynadi, ammo o'yin aqshliklar uchun omadsiz keldi – ular o'n kishi bilan qolib, uchrashuvda 1:2 hisobida mag'lub bo'lishdi. Jamoani "Barselona" va "Milan"ning sobiq futbolchisi Serjino Dest qizil kartochka olib, jamoani qiyin ahvolga solib qo'ydi.

U o'ttiz soniya ichida ikkita sariq kartochka olishga "muvaffaq" bo'ldi, buning natijasida AQSh terma jamoasi birinchi bo'lim oxiridan boshlab ozchilikda qoldi. Bu Trinidadga nafaqat hisobni tenglashtirish, balki oldinga chiqib olish imkonini berdi.

Avvaliga Dest hakamning hushtagidan so'ng ataylab to'pni tepdi va sariq kartochka olganidan keyin ham tinchlanmadi va e'tirozini davom ettirdi - bu uning chetlatilishiga olib keldi. U maydonni tark etar ekan, kinoya bilan hakamga bo'sa yubordi.