"Barselona" vingeri Rafinya Dias Chempionlar ligasi 1/4 finalida "PSJ"ga qarshi o'yinda (3:2) jamoasining g'alabasidan so'ng jurnalistlar bilan suhbatlashdi.

Braziliyalik futbolchi dubl qayd etdi va Parijda bo'lib o'tgan uchrashuvning eng yaxshi futbolchisi deb topildi.

"Bu "Barselona"dagi eng yaxshi o'yinlarimdan biri bo'ldi. Mavsum men uchun oson kechmadi: ikkita jarohat oldim va qizil kartochka oldim.

Men yaqinda maydonga qaytdim va endi o'zimning eng yaxshi formamga qaytishga harakat qilyapman. Murabbiy meni qanday rolda ko'rsa, shunga moslashishga harakat qilaman.

"Barselona" bilan shartnomam yana bir necha yil davom etadi va men shartnomaga oxirigacha amal qilmoqchiman.

Umid qilamanki, bu erda ko'p yillar qolaman", - deya Rafinyaning so'zlarini keltiradi Barca Universal.