Ronald Arauxo "Barselona"da boshqa o'ynamasligi mumkin.
Diario Sport nashri xabariga ko'ra, himoyachining "Sevilya"ga qarshi La Liga so'nggi o'yinida ishtirok etishi so'roq ostida. Oxirgi bir necha hafta ichida Arauxo tizzasida noqulaylik sezdi va Xavi bilan suhbatdan so'ng urugvaylik futbolchining sog'lig'ini xavf ostiga qo'ymaslikka qaror qilindi.
Shuningdek, Arauxo shu yozda "Barselona"ni tark etishi mumkinligi aytilmoqda - bir necha hafta oldin "Bavariya" futbolchiga rasmiy taklif bilan chiqqan, "Aston Villa" ham uni o'z safiga qo'shib olmoqchi. Qayd etilishicha, Xavi va "Barselona" sport direktori Deku himoyachiga umid bog'lashmoqda, ammo klubning moliyaviy ahvoli hal qiluvchi bo'ladi. Shu bilan birga, Arauxoning o'zi ham "Barselona"da qolishni xohlaydi, ammo "hech qanday stsenariyni" istisno qilmaydi.
La Liganing joriy mavsumida Arauxo “Barselona” safida 25 ta o'yin o'tkazib, 1 ta gol va 2 ta golli uzatmani amalga oshirdi.
O'qildi: 123 - Fikirlar: 0