Ispaniya chempionatining 18-turi doirasida «Barselona» o'z uyida «Alaves»ni qabul qilib, ishonchli g'alabani qo'lga kiritdi. Valverde shogirdlari uchrashuvni ancha faol boshlab, tezkor gol urishga muvaffaq bo'lishdi. Messi - Suares - Grizmann kombinatsiyasidan keyin Antuan hisobni ochishga erishdi. Birinchi bo'lim tugash arafasida esa Messi - Suares - Vidal kombinatsiyasidan so'ng Arturo hisobdagi farqni ikkitaga oshirdi.Kataloniyaliklar ikkinchi bo'limni ancha xotirjamlik bilan boshlashi oqibatida "Alaves" faollikni oshirishdi. Natijada 56-daqiqada Pere Pons bosh bilan Ter Shtegen darvozasini ishg'ol qildi. Ushbu gol "Barsa" futbolchilarini yana "o'yin"ga qaytardi. Natijada dastlab Messi jarima maydon tashqarisidan darvozani zabt etdi. Oradan ko'p o'tmasdan hakam VAR yordamida mehmonlar darvozasiga penalti belgiladi. Luis Suares 11 metrli jarima zarbasidan unumli foydalanib, hisobni 4:1ga etkazdi.Ushbu g'alabadan keyin "Barselona" o'z ochkolarini 39taga etkazdi. "Real" ertaga "Atletik"ni 6ta to'p farqi bilan mag'lub etmasa, "ko'k-anorranglilar" qishki tanaffusga peshqadam sifatida yo'l oladi.Ispaniya La ligasi, 18-turBarselona – Alaves 4:1 (2:0, 2:1)21 dekabr, 18.00, «Kamp Nou» Gollar: 1:0 – 14 Grizmann, 2:0 – 45 Vidal, 2:1 – 56 Pere Pons, 3:1 – 69 Messi, 4:1 – 75, penalti Suares. Barselona – ter Stegen, Pike, Umtiti, Serdji Roberto (Semedu, 85), Alba, Alenya, Buskets (de Yong, 79), Vidal, Messi, Suares (Karles Peres, 85), Grizmann.Alaves – Pacheko, Duarte, Eli, Agirregabiria, Ximo Navarro, Manu Garsiya, Aleish Vidal (Berk, 86), Xavi Munos (Rioxa, 53), Vakaso (Xoselu, 70), Pere Pons, Lukas Peres.Ogohlantirishlar: Aleish Vidal (66), Umtiti (67), Vakaso (67), Agirregabiria (74), Eli (84), Alba (88).