"Real" bosh murabbiyi Zayniddin Zidan Ispaniya La ligasidagi chempionlik uchun kurash so'nggi turgacha davom etishini ta'kidladi."Barselona" mavsum oxirigacha kurashadi. Ularning yaqqol kuchsiz jihati yo'q va ular yaxshi o'ynashadi. Lekin biz ular haqida emas, o'z o'yinimiz haqida bosh qotiramiz. Hozircha biz hech narsa yutganimiz yo'q", - dedi Zidan "Marca" nashriga bergan intervyusida.Eslatib o'tamiz, "Real" Ispaniya chempionatida "Barselona" 3 ochkoga ortda qoldirgan holda peshqadamlik qilmoqda.