Ispaniya chempionatining 25-turi doirasida «Barselona» o'z uyida «Eybar»ni qabul qilib, yirik hisobda g'alaba qozondi. Bungacha La liga doirasida ketma-ket 4ta o'yinda gol ura olmagan Lionel Messi, bu safar raqib darvozasini naq 4 marta ishg'ol qildi. Argentinalik futbolchi birinchi bo'limda raqib darvozasiga 3 marta yo'l topgan edi. Ikkinchi bo'limda zaxiradan maydonga tushgan Breytueyt Messining to'rtinchi goliga hammualliflik qildi. Shuningdek, "Barsa"ning yangi futbolchisi beshinchi golda ham assistentlik vazifasini bajardi. Ushbu g'alabadan keyin o'z ochkolarini 55taga etkazib, jadvalda 1-o'ringa ko'tarilib oldi. "Real" esa bugun tunda "Levante" mehmoni bo'ladi. Navbatdagi turda — 1 mart kuni "el-klasiko" kutib turibdi.Ispaniya La ligasi, 25-turBARSELONA – EYBAR - 5:0 (3:0)Gollar: 1:0 – 14 Messi, 2:0 – 37 Messi, 3:0 – 40 Messi, 4:0 – 87 Messi, 5:0 – 89 Artur. Barselona – ter Stegen, Pike (Umtiti, 68), Firpo, Semedu, Langle, Artur, Rakitich, Buskets (de Yong, 59), Vidal, Messi, Grizmann (Breytueyt, 72).Eybar – Dmitrovich, Arbilya, Texero, Burgos, Xose Anxel, Eskalante, Diop, Inui (De Blasis, 66), Orelyana, Eksposito (Kristoforo, 83), Enrik (Kike Gonsales, 66).Ogohlantirishlar: Eskalante (64), Diop (85).