Ispaniya La ligasining 26-turi doirasida bo'lib o'tgan "Real" va "Barselona" jamoalari o'rtasidagi o'yin yakuniga etdi.Birinchi bo'limda xavfli vaziyatlar yaratish borasida kataloniyaliklar ustunlik qilishdi. Ammo Artur va Messi juda qulay vaziyatda Kurtuani dog'da qoldira olishmadi. "Ko'ka-anorranglilar" ikkinchi taymni ham faol boshlashdi. Ammo ko'p o'tmay mezbonlar kuchli pressing evaziga "Barsa"ni xato qilishga majbur qila boshlashdi. Natijada tashabbus Zidan jamoasi tomoniga o'tib ketdi. Maydon egalarining urinishlari 71-daqiqada o'z samarasini berdi. Toni Kroosning ajoyib uzatmasidan keyin Junior jarima maydoniga kirdi va zarba berdi. To'p "podkat" tashlagan Pikening oyog'iga tegib, Ter Shtegenning yaqin burchagidan o'tib, to'rga borib tushdi.Ushbu vaziyatdan bir daqiqa avval esa endigina zaxiradan maydonga tushgan Breytueyt ilk urinishdayoq gol urib ketishi mumkin edi. U tezlikda Marselodan o'tib ketdi va yakkama-yakka vaziyatda zarba berdi. Ramos zarbani qaytarib qolgan edi. Zaxiradan tushib gol urishni esa Mariano Dias qoyil qildi. Ikkinchi bo'limga qo'shib berilgan daqiqalarda o'yinga qo'shilgan Dias qarshi hujumda o'ng qanotda Albadan o'tib ketib, yakkama-yakka vaziyatga chiqdi va Ter Shtegenni dog'da qoldirdi! Shu tariqa, imkoniyatlardan samarali foydalangan "Real" g'alaba qozondi va musobaqa jadvalida 56 ochko bilan peshqadamga aylandi.Ispaniya La ligasi, 26-turReal Madrid – Barselona 2:0 (0:0, 2:0)Gollar: 1:0 – 71 Vinisius Junior, 2:0 – 90 Mariano Dias. Real Madrid – Kurtua, Varan, Karvaxal, Ramos, Marselo, Valverde (Vaskes, 86), Kazemiro, Isko (Modrich, 79), Kroos, Vinisius Junior, Benzema (Mariano Dias, 90).Barselona – ter Stegen, Semedu, Umtiti, Pike, Alba, Artur (Rakitich, 80), de Yong, Buskets, Vidal (Breytueyt, 69), Messi, Grizmann (Fati, 81).Ogohlantirishlar: Vinisius Junior (10), Karvaxal (19), Alba (19), Messi (85).