«Barselona» sardori Lionel Messi muxlislarga koronavirus pandemiyasi bilan bogʼliq vaziyat borasida murojaat qildi.

«Barcha uchun ogʼir kunlar keldi. Biz nima boʼlayotganidan xavotirdamiz va azob chekayotganlarga yordam berishni xohlaymiz. Kasalxona va sogʼlomlashtirish markazlarida ushbu virusga qarshi kurashayotgan insonlarning barchasiga jasorat tilagan boʼlardim.

Inson salomatligi har narsadan ustun boʼlishi lozim. Hammamiz sogʼliqni saqlash idoralarining koʼrsatmalariga amal qilishimiz kerak. Faqat shu yoʼl bilan muammoni bartaraf eta olamiz.

Vaziyatga masʼuliyatliroq yondashishingizni va uyda qolib, yaqinlaringiz bilan vaqt oʼtkazishingizni soʼrayman. Umid qilamanki, ushbu vaziyatni imkon qadar tezroq yengib chiqamiz», – deya yozib qoldirgan Messi oʼzining Instagram sahifasida.

Maʼlumot uchun, hozirda COVID-19 kornavirusi tufayli Yevropaning aksariyat chempionatlari toʼxtatib qoʼyilgan.

Manbaa: tribuna.uz