"Forbes" jurnali jahonning eng ko'p daromad topadigan futbolchilar reytingini tuzib chiqdi. Ro'yxatni «Yuventus» hujumchi Krishtianu Ronaldu boshqarmoqda. Portugaliyalik futbolchi 2019 yilning 1 iyunidan 2020 yilning 1 iyuniga qadar 105 million dollar ishlab topdi. Ularning 60 million dollarini maoshlar va mukofotlar tashkil qilsa, 45 million dollarni reklamadan topdi.Ikkinchi pog'onani esa «Barselona» sardori Lionel Messi band etdi. Argentinalik futbolchining bir yillik daromadi Krishtianunikiga nisbatan 1 million dollarga kam bo'ldi — 104 mln dollar. «PSJ» forvard Neymar kuchli uchlikka kirdi. Braziliyalik o'yinchining daromadi 95,5 mln dollarga teng bo'ldi.Jahonning eng ko'p maosh olgan futbolchilari (top-10):1. Krishtianu Ronaldu («Yuventus») – 105 mln dollar2. Lionel Messi («Barselona») – 104 mln3. Neymar («PSJ») – 95,5 mln4. Muhammad Saloh («Liverpul») – 35,1 mln5. Kilian Mbappe («PSJ») – 33,8 mln6. Andres Inesta («Vissel Kobe») – 29,6 mln7. Mesut O'zil («Arsenal») – 28,7 mln8. Pol Pogba («Manchester Yunayted») – 28,5 mln9. Oskar («Shanxay SIPG») – 27,5 mln10. Antuan Grizmann («Barselona») – 26,7 mln