"Valensiya" va "Real" klublarining sobiq darvozaboni Santyago Kanisares Lamin Yamalning Ispaniya terma jamoasi qaydnomasidan chiqarilganiga izoh berdi.

Avvalroq, "Barselona"ning 18 yoshli vingeri noyabr oyida Gruziya va Turkiyaga qarshi maydonga tushmasligi ma'lum bo'lgandi. Ispaniya Qirollik futbol federatsiyasi Yamalning chov sohasidagi noqulaylikni davolash uchun ogohlantirishsiz muolajadan o'tganidan hayratda qoldi.

"Ehtimol, uzoq muddatli istiqbolda Lamin uchun 10-15 kun dam olish yaxshiroq bo'lar, lekin bunday maxfiylik va urush haqiqatan ham kerakmi?

Tarixan shunday bo'lganki, "Barselona" Kroyf davridan boshlab o'z futbolchilarining terma jamoalardagi o'yinlarini minimallashtirishga harakat qilgan", - dedi Kanisares.