Germaniya terma jamoasi bosh murabbiyi Yulian Nagelsman JCh-2026 o'yinlarida «Barselona» darvozaboni Mark-Andre ter Shtegen ishtirok eta olmagan taqdirda darvozabonlar bo'yicha qaror qabul qildi. Bu haqda jurnalist Florian Plettenberg ijtimoiy tarmoqlarda xabar berdi.Manbaga ko'ra, «Xoffenxaym» a'zosi Oliver Baumann ter Shtegen yo'q bo'lgan holatda terma jamoaning asosiy darvozaboniga aylanadi. «Bavariya»ga tegishli bo'lib, hozirda ijara asosida «Shtutgart»da o'ynayotgan Aleksandr Nyubel esa zaxira darvozaboni bo'ladi. Uchinchi darvozabon nomi keyinroq ma'lum qilinadi.JCh—2026da Germaniya terma jamoasi E guruhida Kyurasao, Kot-d’Ivuar va Ekvador jamoalariga qarshi maydonga tushadi.