Kataloniyaning «Barselona» bosh murabbiyi Ronald Kuman jamoa hujumchisi Antuan Grizmann haqida fikr bildirdi. Uning so'zlariga qaraganda, frantsiyalik futbolchi haqiqatdan ham jamoaning etakchisiga aylanishi mumkin.

«Grizmann uchun etakchi bo'lib olish uchun eng qulay payt? Bu nafaqat Grizmann uchun. Men unga juda ko'p bosim o'tkazib yuborishni xohlamayman. U har doim maksimum darajada ishlaydi. U so'nggi o'yinlarda gol kiritdi. Biz faqat bitta o'yinchiga ishonib qolmaymiz», - dedi Kuman.

Bugun «Barselona» «Elche»ga La Liganing 20-turida bahs olib boradi. Uchrashuv Toshkent vaqti bilan soat 20:15da boshlanadi.