"Barselona" bosh murabbiyi Xavi Kataloniya jamoasining qishki transferlari haqida gapirdi. Ispaniyalik mutaxassis "ko'k-anorranglilar"ning joriy transfer oynasida yangi futbolchi xarid qilishini bilmaydi.

"Yanvar oyida hech bo'lmaganda bitta o'yinchi bilan shartnoma imzolay olamizmi, bilmayman. Hammasi moliyaviy feyr-pleyga bog'liq bo'ladi. Biz prezident Laporta va sport direktori Deku bilan doimiy aloqadamiz", - dedi Xavi Mundo Deportivo bilan suhbatda.

Avvalroq, "Atletiko Paranaense" hujumchisi Vitor Roke "Barselona"ga o'tgani ma'lum bo'lgandi.

"Barselona" Ispaniya chempionati turnir jadvalida uchinchi o'rinda bormoqda. Jamoa 18 uchrashuvda 38 ochko jamg'argan.