«Barselona» «Atletiko» hujumchisi Xulian Alvares bilan shartnoma imzolashga bo‘lgan urinishlarini davom ettirmoqda.

Jurnalist Karlos Monfortning ma’lumotlariga ko‘ra, Kataloniya klubi argentinalik futbolchi uchun 130 million yevro miqdorida taklif tayyorlamoqda. «Ko‘k-anorranglilar» rahbariyati eng qiyin qadam tashlab bo‘lindi deb hisoblamoqda: futbolchi transferga bo‘lgan istagini ommaviy ravishda bildirdi. Endi muzokaralar hal qiluvchi bosqichga kirmoqda.

«Barselona» «Atletiko»ning e’tirozlarini transferga bo‘lgan haqiqiy tahdid emas, shunchaki muhim futbolchisini yo‘qotish xavfiga nisbatan tabiiy reaksiya deb baholamoqda. Kataloniya klubi «PSJ» va «Arsenal» tomonidan bo‘lgan qiziqishlarga qaramay, «ko‘k-anorranglilar» safiga o‘tish istagini bildirgan Alvaresdan juda minnatdor, shu sababli argentinalikning transferini amalga oshirish uchun bor imkoniyatini ishga soladi.

Manba: Stadion.uz