«Bavariya» «Barselona» himoyachisiga qiziqmoqda «Barselona» himoyachisi Nelson Semedu faoliyatini Germaniyada davom ettirishi mumkin, deya xabar bermoqda Mundo Deportivo. Manbaning xabariga ko‘ra, 26 yoshli portugaliyalik futbolchiga «Bavariya» klubi qiziqish bildirmoqda. «Barselona» Myunxen klubi taklifini ko‘rib chiqishini bildirgan. Semeduning «Bavariya»ga transferi yozda amalga oshishi mumkin. Oldinroq, «Barselona»ning portugaliyalik futbolchi transferidan 50 million yevro ishlab olmoqchi ekanligi haqida xabarlar tarqalgandi. Ma’lumot uchun, Semedu 2017 yildan buyon «Barselona» sharafini himoya qilib kelmoqda. Nelsonning ko‘k-anorranglilar bilan shartnomasi 2022 yilning 30 iyuniga qadar amal qiladi. Ushbu mavsumda Samedu La Ligada 15 o‘yinda, YeCHLda esa 4 bahsda maydonga tushib, o‘z hisobiga uchta golli uzatmani yozib qo‘ygan.