Obameyang "Barselona"ga kerak emasmi? Ular Rodrigo nomzodida to‘xtalishdi. "Barselona" qishki transferlar davrida "Arsenal" forvardi Per-Emerik Obameyangni sotib olmaydi. Sportsmole nashri tarqatgan xabarga ko‘ra kataloniyaliklar 30 yoshli gabonlik futbolchi nomzodidan voz kechishgan. Ular bu borada "Valensiya" hujumchisi Rodrigo Moreno nomzodiga to‘xtalishgan. Ma’lumot uchun, Rodrigo joriy mavsum “Valensiya” safida jami 23 ta o‘yinda maydonga tushdi va 4 ta gol hamda 10 ta assistga mualliflik qidi.