Londonning «Chelsi» klubi hujumchisi Pedro faoliyatini Osiyoda davom ettirishi mumkin. Bu haqda Goal xabar bermoqda. Ispaniyalik futbolchi joriy mavsumda «Chelsi» safida deyarli o‘yin amaliyotiga ega bo‘lmayotgani bois, klubni tark etishni istamoqda. 32 yoshli futbolchiga Yevropa klublaridan munosib taklif tushmagani bois, «Chelsi» futbolchini MLSga qo‘yib yubormoqchi edi, ammo bu kelishuv ham amalga oshmagan. Manbaning xabariga ko‘ra, Pedro faoliyatini Yaponiya chempionatida davom ettirishi mumkin. Pedroning «Barselona»dagi sobiq jamoadoshlari Andres Inesta, Davdi Vilya, Tomas Vermalen to‘p surayotgan «Vissel Kobe» klubi Pedroni ham o‘z safiga qo‘shib olishni istamoqda. Frenk Lempard ispaniyalik futbolchining jamoani tark etishiga qarshilik bildirmasligini ma’lum qilgan. Ma’lumot uchun, Pedro joriy mavsumda «aristokratlar» safida bor yo‘g‘i 5 o‘yinda maydonga tushib, natija ko‘rsatmagan. Eslatib o‘tamiz, Pedroning London klubi bilan amaldagi shartnomasi ushbu yilning yozida yakunlanadi.