Kataloniyaning «Barselona» klubi bosh murabbiyi Kike Seten Filippe Koutinoning jamoadagi kelajagi haqida fikr bildirdi.

«Koutino - menga yoqadigan ajoyib futbolchi va u ayni paytda «Barselona» klubiga tegishli hisoblanadi. Uning ketishi uchun klub belgilangan tovon pulini olishi yoki kimdir "Barselona"ga mos keladigan miqdordagi taklifni yuborishi kerak. Men keyingi mavsumning boshida Koutinoni o'z rejalarimga kiritganman. Uning maqsadlari qanday ekanligini bilish uchun u bilan gaplashib ko'raman», — dedi Seten AS nashriga.