"Bavariya" bosh murabbiyi Yulian Nagelsmann Evropa chempionlar ligasi guruh bosqichi 1-tur doirasida bo'ladigan "Barselona"ga qarshi o'yin oldidan o'z fikrlarini bildirib o'tdi."Ularning o'yinida endi Messi beradigan g'ayrioddiylik yo'q. Leo juda yaxshi o'yinchi. U maydonda bo'lgan paytda barcha uni qidirishi — normal holat.Ammo "Barsa" safida ajoyib o'yinchilar bor. Ular soyadan chiqib kelishlari mumkin. Ehtimol, ular endi o'zlarini namoyish etish, mas'uliyatni o'z zimmalariga ko'proq olish imkoniyatiga ega bo'lishdi. Masalan, Frenki de Yong yoki Pedri. Ular juda iqtidorli futbolchilar."Barselona"ning o'yin uslubi biroz o'zgardi. Raqib himoyasi haqida shuni aytishim mumkinki, barcha o'yinchilar to'pni tezroq qaytarib olish uchun harakat qilishmoqda. Messi borligida so'nggi 2-3 yilda buning imkoni yo'q edi. Ular yaqinda 3-5-2 sxemasida o'ynashayotgan edi, lekin hozir 4-3-3ga o'tishdi.Hozir ularning o'yini pasaydi yoki yaxshilandi, deya ayta olmayman, ammo ular boshqacha o'ynashmoqda. Buning natijasi kelajakda ko'rinadi. Safarda yaxshi o'ynash juda muhim ahamiyatga ega. Biz ilk 3 ochkoni qo'lga kiritishni istayman. Bu bizning maqsadimiz.Kataloniyaliklar 4-3-3 sxemasida o'ynashganida, Buskets hamisha markaziy himoyachilar orasiga o'tadi va ular 3 markaziy himoyachi bilan himoyalanishadi.Tarkib haqida gapirsam, "Barselona" 3-5-2 sxemasida o'ynaganida natijalar yaxshiroq bo'ldi. Shu bois, o'ylashimcha, ular bizga qarshi shunday sxemada o'ynashadi. Biz bunga tayyorlandik. Ular bizni hayron qoldiradi, deb o'ylamayman. Raqibning t urli rejalariga qarshi o'z rejalarimizni tuzib qo'yganmiz. "Barsa" qanday uslubda o'ynashidan qat'i nazar biz o'z o'yinimizni namoyish etamiz", - dedi germaniyalik mutaxassis.

Eslatib o'tamiz, "Barselona" - "Bavariya" o'yini Toshkent vaqti bilan bugun soat 00:00da boshlanadi.