O‘tgan mavsum 36 ta gol urgan Messi eng yaxshi to‘purar bo‘ldi.
"Barselona" hujumchisi Lionel Messi "Oltin butsa"ni qo‘lga kiritdi. Bu uning faoliyatidagi oltinchi "Oltin Butsa" hisoblanadi.
Ushbu sovrin Evropaning mavsum yakuniga ko‘ra eng ko‘p gol urgan futbolchiga topshiriladi.
"Oltin Butsa"ni qo‘lga kiritish borasida Messi etakchilik qilmoqda. Uning asosiy raqobatchisi Krishtianu Ronaldu hisobida 4 ta "Oltin butsa" bor.
Argentinalik futbolchi mukofotni ketma-ket 3-mavsum qo‘lga kiritmoqda. Bungacha 2009/2010, 2011/2012, 2012/2013, 2016/2017 va 2017/2018 mavsumlarda g‘olib bo‘lgan.
Eslatib o‘tamiz, Messi o‘tgan mavsumda 36 ta gol urgan edi.