"Barselona" futbolchisi Ansu Fatining otasi o'g'li zaxira o'rindig'ida o'tirishidan narozi va u o'g'lini asosiy tarkaibda o'ynashga loyiq deb biladi. Bori Fati Ansuga klub izlamoqda. Agar u bu ishni uddalasa, hujumchi keyingi mavsumni yangi jamoada boshlaydi. Ammo, agar ko'k-anorranglilar futbolchini sotishga yoki ijaraga berishga rozi bo'lsa, yozda u qayerga borishi mumkin? Quyida hujumchi tanlashi mumkin bo'lgan beshta variant haqida to'xtalamiz.

"PSJ"

O'tgan yozda parijliklar Usmon Dembeleni qo'lga kiritmoqchi bo'lgandi, lekin frantsiyalik futbolchi shartnomasini uzaytirdi. Yanvar oyida Hakim Ziesh ularga deyarli ko'chib o'tdi, ammo so'nggi lahzada kelishuv barbod bo'ldi. Katta ehtimol bilan klub Mbappe, Neymar va Messi uchligini yakunlash uchun yangi hujumchi topishga harakat qilishi mumkin. Chunki bu triodagi futbolchilar jamoadan etishi kutilmoqda. 

Til va muhitni hisobga olgan holda, Ansu moslashishda qiyinchiliklarga duch kelishi mumkin. O'sha Messi yangi ligaga ko'nikishi uchun taxminan bir yil vaqt ketdi.

Ehtimollik: 2/10

"Manchester Yunayted"

Hozir Erik ten Xag yosh futbolchilar atrofida jamoa tuzmoqda. U bu mavsumda Markus Reshforddan maksimal darajada foydalanish yo'lini topdi.

Yozda "qizil iblislar" yana bitta hujumchi bilan kuchayishi kutilmoqda. Ammo, agar "Manchester Yunayted" Elanga va Martialdan qutulmasa, Fati "Barsa"dagidek vaziyatga tushib qolishi mumkin.

Ehtimollik: 3/10

"Chelsi"

"Chelsi" so'nggi paytlarda transfer bozorida juda faol. "Aristokratlar"ning taktikasi qancha pulga bo'lsa-da o'zi ko'zlagan futbolchini harid qilish. Londonda Fati yangi hayot topa oladi, eng muhimi, klub unga yuqori maosh to'lashga qodir.

Ehtimollik: 5/10

"Sevilya"

Ansuning otasi intervyuda o'g'lining o'zi faoliyatini boshlagan "Sevilya"ga qaytishini istashini aytdi. Fati uchun bu barqaror muhit va Ispaniyada qolish imkoniyati bo'lardi. Biroq jiddiy muammo bor – "Sevilya" futbolchiga hozir olgan maoshini to'lay olmaydi. Shu tariqa, uning uchun yagona variant – ispan klubiga ijaraga o'tish.

Ehtimollik: 6/10

"Nyukasl"

"Nyukasl" egalari almashganidan keyin qiziqarli loyiha qurmoqda. "Sosedad"ning sobiq hujumchisi Aleks Isak yaqinda "zag'izg'onlar" safiga o'tdi va tezda Premer-ligaga moslashdi. Sport.es xabariga ko'ra, "Nyukasl" Fatini kuzatib bormoqda va mavsum oxirida unga transfer taklifi bilan chiqishi mumkin.

Ehtimollik: 7/10