Xavi "Barselona" tarkibida o'yin amaliyoti ololmayotgan Vitor Roke haqida fikr bildirdi.

"Uning bugungi o'yindagi ishtiroki so'nggi daqiqalargacha shubha ostida edi, chunki kecha u to'pig'iga juda kuchli zarba oldi. Uning kelajagi mavsum oxirida hal bo'ladi, hozir bu haqda gapirishni istamayman.

Vitor Roke misolida klubda raqobat kuchligini bilishingiz mumkin. Murabbiy sifatida shuni aytishim mumkin, xamma futbolchilar asosiy tarkibda o'ynash imkoniyatiga ega, mashg'ulotlarda o'zini ko'rsatgan futbolchi asosiy tarkibda maydonga tushadi. Raqobatda g'olib chiqqan xar qanday futbolchi klubning asosiy futbolchisi bo'ladi.

Vitorni tarkibga kiritmaganimga mening aybim yo'q. Vitor, boshqalar kabi, o'zining ustida ishlashi kerak", - dedi ispaniyalik mutaxassis.

Kecha "Barselona" La Ligada "Real Sosedad"ni mag'lub etdi - 2:0.