Madridning “Real” klubi himoyachisi Dani Karvaxal “Barselona”ga (0:3) qarshi o'tkazilgan o'rtoqlik uchrashuviga sarhisob qildi.

"Har bir bo'limning dastlabki 15 daqiqasida "Barselona" yaxshiroq o'ynadi, biz o'yinga o'zimiz xohlagandek kira olmadik. Biz hammasini yaxshi bajardik, endi yangi tizimga moslashyapmiz. Darvoza oldida muvaffaqiyatga erisha olmadik, ammo gol urish uchun bor kuchimiz bilan harakat qildik. Oxirgi ikkita gol o'tkazib yubormasligimiz kerak edi. Shunga qaramay, jamoa to'g'ri yo'lda va biz yaxshi natijalarga erishdik", - deya Karvaxalning so'zlarini keltiradi klub rasmiy sayti.

Navbatdagi o'rtoqlik o'yinida “Barselona” 2 avgust kuni “Milan”ga qarshi maydonga tushsa, “Real” 3 avgust kuni “Yuventus”ga qarshi bahs olib boradi.