«Ko'k-anorranglilar» futbolchilari «Yoxan Kroyff» stadionida o'ynash niyatida emas.

Eslatib o'tamiz, mavsum qayta tiklanganidan keyin, "Barselona" klubi o'z uy uchrashuvlarini «Kamp Nou» stadionida emas, balki «Yoxan Kroyff» stadionida o'tkazishi taxmin qilingan edi. Bu g'oya o'yinlar muxlislarsiz o'tkazilishi munosabati bilan paydo bo'lgan edi.

Mundo Deportivo nashrining tasdiqlashicha, "Barselona" klubi futbolchilari - Lionel Messi, Serdji Roberto, Serdji Buskets, Jerar Pikelar uy uchrashuvlarini 6 ming nafar muxlisni o'z bag'riga sig'diradigan «Yoxan Kroyff» stadionida emas, balki, «Kamp Nou» stadionida o'tkazishmoqchi.

Klub rahbariyati ushbu stadionlarda uchrashuvlarni o'tkazish harajatlari farqini baholadi va bu ahamiyatsiz degan xulosaga keldi. Shu sababli, «Barselona» La Liga qayta tiklanganidan keyin uy uchrashuvlarini bo'm-bo'sh «Kamp Nou» stadionida o'tkazadi.