"Barselona"ning yosh futbolchisi De la Fuente yozgi transferlar oynasida Kataloniya klubini tark etishi mumkin, deya xabar bermoqda "ESPN" nashri.

Manbaning ma'lum qilishicha, Frantsiyaning "Marsel" klubi yosh futbolchini o'z safiga qo'shib olishni istamoqda. "Ko'k-anorranglilar" o'z tarbiyalanuvchisini 5 million evroga keyinchalik sotib olish sharti bilan ijaraga berishni ko'zlamoqda.

Eslatib o'tamiz, Konrad o'tgan mavsumning katta qismini "Barselona B" safida o'tkazdi va asosiy jamoada faqat 2 ta o'yinda maydonga tushdi.