Frantsiya terma jamoasi va «Barselona» hujumchisi Antuan Grizmann «Atletiko»ga qaytmoqchi.

Manbaga ko'ra, agar kataloniyaliklar Grizmanning ketishini talab qilishda davom etsa, frantsuz futbolchisi faqatgina Madridga qaytishi mumkin. Qayd etilishicha, Grizmann «Atletiko» klubiga qaytish uchun APL klublarining takliflarini atayin rad etmoqda. «Barselona»ga o'tishdan oldin Antuan 2014 yildan 2019 yilgacha Madrid klubida o'ynagan. Shu sababli ham «matraschilar» safiga qaytishga rozi.

Frantsiyalik futbolchining «Barselona» bilan shartnomasi 2024 yilning yozida yakuniga etadi. O'tgan mavsumda Grizmann 51ta o'yinda 20ta gol urdi va 13ta golli pas berdi.