Sport nashri xabariga ko'ra, Ispaniya olimpiya terma jamoasi va "Vulverxempton" hujumchisi Rafael Mir faoliyatini "Barselona"da davom ettirishi mumkin.

Manbaga ko'ra, futbolchining agenti Xorxe Mendesh bir oy oldin o'z mijoziga kataloniyaliklarni taklif qilgan.

"Vulverxempton" hujumchini sotmoqchi. Avvalroq, futbolchiga "Atletiko" va "Valensiya" klublari qiziqayotgani haqida xabar berilgandi.

Eslatib o'tamiz, Mir Ispaniya Olimpiya terma jamoasi bilan Tokio-2020 musobaqasida yarim finalga yo'llanma oldi. Chorak finalda "qizil furiya" yoshlari Kot'dIuar olimpiachilari ustidan 5:2 hisobida g'alaba qozondi va mazkur bellashuvda Rafael 3ta gol kiritdi.