"Barselona" prezidenti Joan Laporta Lionel Messining ketishi rasman e'lon qilinganidan so'ng, katta bayonot bermoqchi. Ushbu chiqish ertaga, soat 14:00 da bo'lishi rejalashtirilmoqda. Laporta o'z chiqishini "Kamp Nou"da o'tkazadi. Messining ketishi haqidagi "Barselona" bergan bayonotda klub va futbolchi o'zaro kelishuvga erishgani, ammo La Liganing ba'zi qonunlari sabab bu shartnoma imzolanmagani ma'lum qilingandi.

Eslatib o'tamiz, Joan Laportaning "Barselona" prezidentligiga saylanishi oldidan bergan va'dasi aynan Messini klubda olib qolish edi.