"PSJ" bosh murabbiyi Maurisio Pochettino Lionel Messini Parij klubiga o'tishi bilan bog'liq mavzu haqida gapirdi.

"Biz kecha nima bo'lganini bilamiz. Boshqa aytadigan gapim yo'q. Biz mavsumni yaxshi boshlamoqchimiz, oldinda "Trua"ga qarshi o'yin bor. Messi "PSJ"ga o'tishiga kelsak, bizning sport direktorimiz va prezidentimiz bu masalani hal qiladi", - deydi argentinalik mutaxassis.

Eslatib o'tamiz, "PSJ"ni xorij matbuoti Messiga asosiy da'vogar sifatida qaramoqda.