"Barselona" himoyachi Samuel Umtiti bilan xayrlashishga tayyo, deb xabar beradi Diario Sport nashri. Manbaga ko'ra, kataloniyaliklar frantsuzni boshqa klubga tekinga qo'yib yuborishga tayyor.

Ma'lum bo'lishicha, "Nitstsa" va "Marsel" futbolchiga da'vogarlik qilmoqda, ammo Umtitining o'zi Chempionlar ligasida o'ynaydigan klubga qo'shilmoqchi. Kataloniyaliklar maoshni kamaytirish maqsadida himoyachini tekinga qo'yib yuborishga tayyor.

Eslatib o'tamiz, Umtiti 2016 yilda "Lion"dan "Barselona" ga 25 million evroga ko'chib o'tgan edi. Kataloniya klubi tarkibida u barcha turnirlarda 132 ta o'yinda maydonga tushib, ikkita gol urdi va bitta golli uzatmani amalga oshirdi. Uning shartnomasi 2023 yil iyunigacha amal qiladi.