Ispaniya chempionatining 4-turidan o'rin olgan ba'zi o'yinlar boshqa sanalarga qoldirilishi mumkin, deb xabar beradi turnir rasmiy sayti.

Chempionat taqvimida amalga oshishi mumkin bo'lgan o'zgarishlarning sababi - JCh-2022 saralash o'yinlarining Janubiy Amerikada o'tkazilishidir.

FIFA KONMEBOLga 10 sentyabr kuni Jahon chempionati saralash o'yinlarini o'tkazishga ruxsat bergan, bu 11 sentyabrga belgilangan La Liganing 4-turiga xavf tug'diradi.

Xususan, «Real Madrid» - «Selta» va «Sevilya» - «Barselona» uchrashuvlari boshqa kunlarda o'tkazilishi mumkin.