“Bugun La Ligadagi eng yaxshi himoyaga ega ajoyib raqibni mag'lubiyatga uchratdik. “Sevilya” – super jamoa, Lopetegi esa qoyilmaqom murabbiy. Yirikroq hisobda g'alabaga erishishimiz ham mumkin edi.

Matematik jihatdan imkon bor ekan, chempionlik uchun kurashishda davom etamiz. Qo'limizdan kelgan barcha ishni qilamiz. Qolgan o'yinlarda muvaffaqiyatga erishishga intilamiz. “Real” ko'p o'yinlarni boy berishini tasavvur qilish qiyin, ammo biz oxirigacha kurashamiz”, deydi ispaniyalik mutaxassis.

Eslatib o'tamiz, “Real” 69 ochko bilan etakchilik qilmoqda, kataloniyaliklar esa bitta kam o'yin bilan 57 ochko to'plagan holda 2-o'rinda turibdi. Shuningdek, “Atletiko” va “Sevilya” hisobida ham shuncha ochko bor.