«Barselona» «Red Bull Zalsburg»ning 17 yoshli hujumchisi hujumchisi Karim Adeyemini o‘z safiga qo‘shib olmoqchi, deb xabar beradi Mundo Deportivo.
Hozirda futbolchi ijara asosida «Lifering» klubida o‘ynayapti.
Manbaning xabariga ko‘ra, bitim amalga oshishiga «Zalsburg» so‘raydigan narx qarshilik qilishi mumkin. Avstriya klubi Adeyemini 8 mln yevroga baholamoqda. «Barselona» esa bu narxni juda yuqori deb biladi.
Hujumchi «Barselona» vakillarini hayratda qoldirgan. Xususan, Adeyemi «La Masia» direktori Patrik Klyuyvertga yoqqan. Klyuyvert yosh futbolchini sotib olish uchun qo‘lidan kelgan barcha ishni qilishga tayyor.
Joriy mavsumda Adeyemi Avstriya chempionatining 9ta turida 5ta gol urdi va 4ta golga assistentlik qildi.