"Barselona" prezidenti Joan Laporta klub hujumchi Usmon Dembele bilan yangi shartnoma borasida muzokaralarni rejalashtirayotganini aytdi.

“Usmon jamoadan mamnun va juda motivatsion holatda. Shartnomani yangilash haqida gaplashishga vaqtimiz bo'ladi", - deya Laportaning so'zlaridan iqtibos keltirgan jurnalist Fabritsio Romano.

25 yoshli frantsiyalik futbolchining “Barselona” bilan amaldagi shartnomasi 2024 yilning iyunigacha mo'ljallangan.

Dembele joriy mavsumda barcha turnirlarda 20 ta o'yinda maydonga tushib, 5 ta gol urdi va 7 ta golli uzatmani amalga oshirdi.

Transfermarkt futbolchining narxini 60 million evroga baholamoqda.