Ispaniya terma jamoasi va "Barselona"ning sobiq futbolchisi, hozirda "Vissel Kobe" safida Yaponiya chempionatida o'ynayotgan Andres Inesta yozgi transfer oynasida Osiyo klubini tark etmoqchi. Bu haqda Nikkan Sports xabar bermoqda.

Inesta va yapon klubi o'rtasidagi amaldagi shartnoma muddati kelasi yilning yanvarigacha hisoblangan. Andresda AQSh va Yaqin Sharqdan yaxshi variantlar bor.

38 yoshli yarim himoyachi 2018 yilning iyul oyidan buyon "Vissel Kobe" safida to'p tepadi. Transfermarkt portali Inestaning narxini 1,2 million evroga baholamoqda.