Kataloniyaning "Barselona" klubi markaziy himoyachi Andreas Kristensenni yozgi transfer oynasida sotish niyatida emas.

Sport nashrining yozishicha, daniyalik markaziy himoyachining narxi yuqori baholanadi.

Joriy mavsumdagi sifatli o'yin uchun mukofot sifatida "Barselona" keyingi mavsumda Kristensenga yangi shartnoma taklif qilmoqchi. Andreasning o'zi "Kamp Nou"da baxtli va klubini o'zgartirish niyatida emas.

Kristensen o'tgan yozda "Chelsi"dan "Barselona"ga tekinga o'tgan edi. Avvalroq himoyachiga Angliya Premer-ligasining yana bir klubi "Aston Villa" qiziqish bildirayotgani haqida xabar berilgandi.