"Barselona" kelasi hafta "Jirona" yarim himoyachisi Oriol Romeu transferini yakunlamoqchi.

Diario Sport nashri xabariga ko'ra, "Jirona" 31 yoshli futbolchi uchun 8 million evro talab qilmoqda, bu uning shartnomasidagi tovon puli miqdori.

"Ko'k-anorranglilar" esa 8 million to'lashni istamaydi va 4 million kafolatlangan to'lovlar va 4 million bonuslarni taklif qildi. Futbolchining o'ziga 2 yillik shartnoma taklif qilingan, "Barselona" tarbiyalanuvchisi bu transferga rozi.

Qayd etilishicha, “Jirona” kelishuv shartlarini muhokama qilishni istamayapti va tovon puli sifatida 8 million evro to'lashni talab qilmoqda. Klub "Barselona" olib borayotgan muzokaradan norozi bo'lmoqda.