"PSJ" braziliyalik hujumchi Neymarni sotishga tayyorlanmoqda.

Sky Sports nashri xabariga ko'ra, parijliklar 31 yoshli futbolchining transferidan kamida 58 million evro ishlab olishni rejalashtirgan.

Shu bilan birga, manba ta'kidlaganidek, narx turli xaridorlar uchun farq qiladi. Minimal bahosi 58 million evro, maksimali esa 93 million. Avvalroq, janubiy amerikalik futbolchiga "Manchester Yunayted", Londonning "Chelsi" va "Barselona" klublari qiziqish bildirayotgani haqida xabar berilgandi.

Neymar 2017 yildan beri parijliklar safida o'ynab kelmoqda. Tomonlar o'rtasidagi amaldagi shartnoma 2025 yilning yozida yakuniga etadi.