Joau Feliks "Barselona"ga qo'shilganidan keyin uchta o'yindan ikkitasida gol urdi.

Yarim himoyachi Chempionlar ligasi doirasida “Antverpen”ga qarshi o'yinning 11-daqiqasidayoq hisobni ochdi. 19-da u Robert Levandovskiga golli uzatma ham berdi.

Portugaliyalik futbolchi “Blaugrana” tarkibida ilk bor 16 sentyabr kuni – La Liga doirasida “Betis” bilan o'yinda (5:0) gol urdi.

Bungacha Feliks terma jamoasida ham gol urgan – 11 sentyabr kuni Lyuksemburg bilan o'yinda (9:0). Oxirgi marta u 2018 yilda ketma-ket uchta o'yinda gol urishga muvaffaq bo'lgandi.